ادخلى هنا وهنتحدى الملل وهتدعيلى

مشرفه 183 28/05/2009

بسم الله والصلاة والسلام على رسول الله صلى الله عليه وسلم...
النهاردة بقى حان الوقت

[b]

عشان نكلم هو احنا هنتوب امته اول حاجه هندعى لاخواتنا اللى بيمتحنوا ربنا يوفقهم يارب وينجحوا ونعملهم حفله حلوه فى المنتدى بس عايزين نعرف الصيف طالع والمشاكل والذنوب بتكتر هو احنا ناوين نعمل ايه ولا هنتصرف ازاى طب اسمعوا معايا كده وركزوا انا جبت حاجه بيسطه نحاول نفهمها مع بعض واكيد هنخرج من الصفحه دى وكل واحد فينا ناوى ونبقى كلنا من التوابين المتطهرين باذن الله

اسمعوا كده وادعولى هاه متنسوش كلنا ندعى لبعض بظهر الغيب ولاخواتنا فى الامتحانات نرجع لموضوعنا تانى
..الايه بتقول....

{أَفَمَنْ هُوَ قَآئِمٌ عَلَى كُلِّ نَفْسٍ بِمَا كَسَبَتْ وَجَعَلُواْ لِلّهِ شُرَكَاء قُلْ سَمُّوهُمْ أَمْ تُنَبِّئُونَهُ بِمَا لاَ يَعْلَمُ فِي الأَرْضِ أَم بِظَاهِرٍ مِّنَ الْقَوْلِ بَلْ زُيِّنَ لِلَّذِينَ كَفَرُواْ مَكْرُهُمْ وَصُدُّواْ عَنِ السَّبِيلِ وَمَن يُضْلِلِ اللّهُ فَمَا لَهُ مِنْ هَادٍ }الرعد33
نشرح الايه زى ما العلماء قالوها وبعدين نشوف الجمال...

ربنا بيقول أفمن هو قائم كل نفس يعلم ماتعمل من خير او شر ويُحصيه عليها ولا تخفى عليه خافية(ابن كثير), أحق أن يعبد, أم هذه المخلوقات العاجزة؟ وهم من جهلهم جعلوا لله شركاء مِن خَلْقه يعبدونهم, قل لهم -أيها الرسول-: اذكروا أسماءهم وصفاتهم, ولن يجدوا ما يجعلهم أهلا للعبادة, أم تخبرون الله بشركاء في أرضه لا يعلمهم, أم تسمونهم شركاء بلفظ فقط من غير حقيقة. بل زين الشيطان للكفار قولهم الباطل وصدَّهم عن سبيل الله. ومَن لم يوفِّقه الله لهدايته فليس له أحد يهديه..(التفسير الميسر)..

يا ياربى ياحبيبى على الامان اللى بتدهولى ..لما بتحسسننا ان مفيش حد غيرك فى ايده اى حاجه لما عظمتك وجبروتك بيخشوا جوة قلب الواحد...

ايه لسه معرفتهوش ؟؟...لسه معرفتش مين ربنا....مين اللى احنا بنعبده...مين الللى احنا بنسجدله...

عشان نشتاقله لازم نعرفه يااخوانا.....وعشان نعرفه
لازم نقدره..احنا مقدرناش ربنا حق قدره..احنا قدرنا الدنيا حق قدرها... قدرنا السيارات حق قدرها ...قدرنا الموبايلات حق قدرها ..لكن مقدرناش العظيم حق قدره...

اللى اكل حرام واللى سمع حرام واللى زنا واللى غش ...مقدروش ربنا حق قدره.
ياااااه ..لما تحسى بعظمة ربنا ..ياااه لما تعرفى مين اللى بنصومله ..مين اللى بنصليله..مين اللى بندعيه ويدينا..

لو عرفته حتحبه ولو حبيته حتشتاقله ولو اشتاقتله حتعيش حياتك كلها عشان ترضيه..عشان تشوفه...
انتم زاهدين فى ربنا ليه؟؟؟ ليه؟؟؟ مش عيزه تعرفى ليه؟؟؟

ياجماعه انتم لو شوفتم اللى عند ربنا لو عرفت اللى هو شايلهولك...مش حتشيل هم حاجه ابدا...اوعى تفكر ولا تفكرى..انه مثلا لو اخر عليك نعمة يبقى حارمك..لا ..ده يبقى بيحبك والله...هو اللى عارف مصلحتك..
اديكى مثال..
ليه ميبقاش مثلا اخر عنك الجواز شويه..عشان عيزك ..عشان بيحبك..عيزك تبقى فاضيله شويه وحابب يسمع صوتك فى العبادة..حابك تبقى معاه ..حابب محدش ياخدك منه ...يابختك ياعم..

قبل مانتشغل بالعيال والمسئوليه والشغل والمطبخ..ومانلاقيش وقت...عيزاكى تبقى جامده كده عشان يديكى حاجه جامده...حيهاديكى باجمل حد لما تبقى صالحه ..يعنى بيربيكى ...

بيكبرك عشان يديكى هدية كبيرة..ايه مش عايزه؟؟؟ وسبحان الله على طاقة الحب اللى حيديهالك ..حتشوفى ..عارفه ليه عشان انتى بتحبى ربنا فحيخليكى تحبى كل حاجه هو اديهالك وحلال...

هتوب يارب وهرجعلك

انت عارفه لما قطر الندى اتجوزت وهى رايحه لعريسها ابوها وكان السلطان...عمل ليها فى كل بلد تعدى عليها قصر..استراحة يعنى..عملها القصر ليه باجماعة؟؟عمله عشان بيحبها وهى غالية عنده...ولله المثل الاعلى..

...ايه انتى مش واثقه فى ربنا ولا ايه...

ياجماعة ده ربنا بكلمة..بكلمة ..ايوة بكلمة يااخوانا...

بكلمة...خلق 400 مليار مجرة سماوية.. وبكلمة... حيهدهم.

بكلمة... خلق 2 مليون كائن حى ........ وبكلمة... حيموتهم.

بكلمة... خلق النار وخلاها تحرق.........وبكلمة.... خلاها برد وسلام.

بكلمة.. خلق السحاب وخلاه يروى ويمطر.. وبكلمة ...خلاه نار على قوم عاد..

اوعى تستهترى بعظمة ربنا...انا عيزاكى تروحيله.. وتقوليله مقدرش اخسرك يارب ..

محتاجلك وماليش غيرك...مقدرش ابعد عنك...محتاجه رحمتك...انا ضعيييفه.....انا ولا حاجة..وانت كل حاجة...

ياسلااام ..ياسلام لما يشوف مرسوم على وشك احسن ملمح بيحب يشوفه..ملمح الانكسار والذل بين ايديه..

لما نشيل عن وشنا الماسكات اللى حاطنها..ماسكات والكبر والغرور والغش والميكب

لمانبقى بين ايديه وننسى كل حاجة شغلانا...

احنا فى الجزء الاول شحنا البطاربات كده..وفى التانى قلنا نصلح نفسنا ووصينا بشوية حاجات تخليه يحبنا

المرة دى بقى حنبتدى نورى الناس حب ربنا فى قلوبنا ..احنا خدناها واحدة واحدة ودلوقت وقت الشغل ...التوصية المرة دى....عيزين كل واحد دخلت واثرت فيها.. تبتدى بقى تورينا حبها لربنا ..هنا

عيزا فيضاناااات الدعوة لربنا تشتغل ...عيزا تسونامى
الاسلامى...اى حاجه ان شا الله ورقه..كلمة..موقع نت...

الامتحانـــــــ ادخلى هنا وهنتحدى الملل وهتدعيلى KIBc4-2pt1_842813574

ـــــــات

وطبعا كل دا هيحصل بعد

وتقوليله انا بعمل كده ليك يارب..انا وقفت لله...انا بتاعتك ...ارضى عنى بقى...اقبلنى وتب عليا يارب...

وفى حاجه كمان لينا بقى عشان ننول حب ربنا...عيزين منطلعش من هنا الا لما بنقول لحد بحبك فى الله ...مش شرط يبقى معانا فى المنتدى تخيلوا بقى مع ردودكم حيبقى اد ايه متحابين فى الله...وكام حد حيتالف بين قلوبهم..وممكن تكون الصفحه دى هى اللى تخلينا تحت ظل عرش الرحمن...

يـــ ادخلى هنا وهنتحدى الملل وهتدعيلى R3kSL-Od45_382082991