احترمى التكنيك....!!!!!!

اخواتى الحبيبات
السلام عليكم ورحمه الله وبركاته

كلنا او معظمنا تابعنا بشغف حلقات برنامج
من كل بلد اكله
وخاصه حلقات الحلويات للشيف : حسن كمال
وكننا بنندهش لاصرارة على جملته المشهورة
احترمى التكنيك !!
فى كل مرة تتصل به مشاهدة وتقول له :
الوصفه الفلانيه باظت منى ...دى مش مضبوطه ...نتيجتها مش حلوة
وكان الشيف يكرر نفس الجمله كل مرة

كل وصفه زى ما لها مقادير وطريقه عمل ...كمان لها نظام وتكنيك خاص بها فى عملها بحيث لو لم يتم تنفيذة بحذافيرة
تخرب الوصفه

من يومين
صديقتى اخدت منى وصفه جاتوة شاتوة
اللى فى هذا الرابط
http://forums.fatakat.com/thread74852

الحقيقه انا عملت الجاتوة عدة مرات وفى كل مرة يطلع ناجح جدا ومحبوب من اسرتى جدا
والعديد من الاخوات نفذوة والكل معجب به جدا
(تحيه كبيرة للاخت : عزة الخولى صاحبه الوصفه)
ولانى اعتدت عندما اعطى اى احد وصفه ان اكون دقيقه فى وصفى وفى مقاديرى كما انفذها تماما
لانها امانه ....وحتى لا اتسبب فى خراب المقادير المكلفه على اللى تنفذ الوصفه منى

اكدت على صديقتى ان تستعمل الخلاط فى عمل الوصفه وانها بتعطى نتيجه ممتازة ....ووصفت لها شكل الصوص وسمكه وقوامه

اليوم ...........!!!!!!!!
اتصلت بى صديقتى
تعاتبنى عتابا على ان الوصفه طلعت مش مضبوطه
لا يمكن ...ازاى .....لا يمكن اديكى وصفه الا وانا مجرباها وواثقه منها
لا الصوص طلع زى الماء ومابقاش كثيف وفضلت اضرب فيه كتيييييير وبرضه فضل سائل
شكيت انها ممكن تكون لم تنفذ الوصفه بالطريقه السليمه
وكانت المفاجأة
بعد الاتهام دة لى وللوصفه .....اكتشفت ......اكتشفت
انها
استعملت المضرب الكهربى بدلا من الخلاط الكهربائى (الشفشق)
هاتقولوا : يفرق!!!!!!!
ايوة لان الخلاط بيكون حيزة ضيق وقوة الخفق فيه قويه جدا
غير المضرب خالص

من هنا جاءت فكرة اننا نتكلم عن
التكنيك والتكات الفنيه فى كل وصفه
1-وصفه اتعلمتيها من المنتدى او النت عموما او التليفزيون ونفذتيها وعرفتى سر صنعتهاو سر نجاحها بخبرتك

2-وصفه من وصفات الوالدة علمتهالك وعرفتك سرها اللى بينجحها

3-وصفه اخدتيها من حد وخربت منك وعرفتى تعالجيها وطلعت ناجحه

4- وصفه اخدتيها واكتشفتى ان مقدارها مش مضبوط وقدرتى تصلحيه ونجحت معاكى كدة



ياللا يا جميلات يا فنانات الحلويات
ننقل خبرتنا لغيرنا ونفيد الكل
ونوفر على نفسنا كتير كتير من الوصفات البايظه واللى ممكن تبوظ
بسبب
عدم احترام التكنيك...!!!!