انت مش عارف...!!! طيب جرب تانى...بحبك يارب

....من حلقات بحبك يارب....
اسال الله ان ينفع بينا جميعا...



بسم الله والصلاة والسلام على رسول الله...


ايه الاخبار ياشباب...
اخبار القلوب ايه...النفوس عاملة ايه...حب ربنا وصل قلوبنا ولا لسه...قلبك اتعلق بالله ولا لسه الحياة واخدانا...



النهردة ميعادنا مع موضوع جديد..حنتجمع تانى على حب الله...حنعيش احلى اللحظات واحلى المعانى...


انت اييه مش مصدق...ليه هو انت معرفتش ربنا...انت معرفتش تعيش بقلبك مع كلامه..انت لسه وعرفتش اللى خلقك...لسه معرفتش قدرته وقدره...


حب ربنا مش عارف تخليه يملا قلبك وحياتك وروحك...
ياعينى يامسكين...








طيب اسمع كده الاية دى بقلبك..



يُرِيدُ اللّهُ لِيُبَيِّنَ لَكُمْ وَيَهْدِيَكُمْ سُنَنَ الَّذِينَ مِن قَبْلِكُمْ وَيَتُوبَ عَلَيْكُمْ وَاللّهُ عَلِيمٌ حَكِيمٌ{26} وَاللّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُواْ مَيْلاً عَظِيماً{27}النساء..







ايه ده...شايف ربنا عايز ايه...انت واخد بالك من اللى ربنا عايزه لينا...







بيقولنا نعمل علشاننا احنا...بيقولنا نتوب لينا احنا,,,هو ده كل اللى عايزه مننا...بيعفرفنا ايه اللى حيريح قلبنا...
ياجماعة هو احنا لو عصينا حنفرق مع ربنا...







انت لسه معرفتش ربنا....



ياجماعة احنا معرفناش ربنا...عايشين بقالنا سنين عرفنا وادركنا كل حاجة حوالينا الا اللى خلقنا..الا اللى ادانا كل حاجة..الا الله الوحيد اللى تتضمن حبه وتعرف انه بيحبك...







احنا نعرف نتكلم عن كل حاجة فى الدنيا ...عرفناها ودرسناها...
نعرف نتكلم على الماركات...نعرف نتكلم على اماكن الخروج..


نعرف نلبس وشوش غير وشوشنا ...نعرف نتعامل مع اى حد فى الدنيا...







ليه؟؟ عشان عرفنا الدنيا وعرفنا خباياها..وحبينا الزينة اللى فيها ..
لامش كده وبس..ده احنا اتعلقنا بيها كمان...







لكن تيجى تتكلم عن ربنا اللى خلقك واداك كل حاجة متعرفش تقول كلمتين...لو حد بيهاجم دينك ممكن يكسفك وينتصر عليك كمان...







منعرفش ربنا..منعرفش نتكلم على النعم اللى مغرقنا فيها..منعرفش نتكلم على رحمته بينا..وحبه لينا..وستره وكرمه..منعرفش نتكلم عن صفاته وجبروته..







يااخوانااا عايزين نعرف ربنااا...عايزين نتعلق بالله...


احنا مالناش انقاذ فى حياتنا الا معرفة ربنا...هو مفتاح تغيير الحياة...







يااا لو عرفت ربنا..يا لو عرفت رحمته..لو عرفت بيحبك اد ايه..لو عرفت شايلك ايه...لو عرفت شال عنك ايه...لو عرفت هو دلوقت فرحان بينا اد ايه...







تخيل ربنا دلوقت هو اللى فرحان بيك وهو اللى بيباهى بيك الملايكة..رغم ذنوبك رغم اللى بتعمله..






فى حد فى الدنيا بيبحك كده..فى حد حنين عليك كده..مين اللى بيشوفك وانت بتعصيه..وقبل بس ما تقول يارب انا فى كرب يفرج عنك..


اول مايشوف دموعك ينصرك ويقف جنبك...



مين اللى اطعمك..مين اللى رزقك..مين اللى كساك...


مين اللى خلى ليك اصل وعارف مين ابوك ومين امك...مين اللى خلاك مسلم من غير تعب...








يا على ذنوبنا ...ياعلى ذنوبنا اللى بعدتنا عنه....
يااا على كبرنا ..ياااعلى غرورنا ...ياااا على جرأتنا....



اييييه الجرأة دى...ايه الجراة دى على الله....جبتها منين يااخى...



جبتيها منين بس...انت مش خايف؟؟؟...انتى مش خايفة...؟؟







احنا ليه عملنا حساب لكل حد فى الدنيا الا ربنا...ليه خايفين على زعل الناس كلها كبيرهم وصغيرهم..الا الله الواحد الاحد...








انا عايزك تفتكر معايا قصة الغلام اللى اخد نصيب مش من حقه فى غنايم احدى الغزوات...
انتوا عارفين الرسول صلى الله عليه وسلم قال ايه...انها لتستعر عليه نارا فى قبره...





خاف بقى ...خافى بقى يابنتى...


خاف على عينك اللى بتبص على حاجة مش حقها ..لتستعر عليك نار...


خافى على شعرك وجسمك اللى بتبينيه لحد مش من حقه ..ليستعر عليكى نااار...


خاف على ايدك اللى ماسكة ايد مش من حقها لتستعر عليك نار....



خاف على نفسك..فوقوا بقى...اعرف قدر الله...





اعرف انت ايه...اعرف ضعفك...
شوف حقيقة نفسك....



انت ضعيف..انت ولا حاجة...كبرت واستقويت ونسيت ربنا...
جاهرت بالسوء..وعاندت الله وحاربته...


يابنى انت ناسى انت كنت ايه...





انت اول ماجيت الدنيا كنت متشال لانك ضعيف...متعرفش تعمل لنفسك حاجة...



وانت رايح منها برضه متشال..عشان ضعيف ومش حتقدر تعمل لنفس حاجة...


وفى الحاجتين اانت معتمد على رحمة ربنا بيك...



ليه بقى تستقوى وتبعد عن الله..عن حب ربنا ..عن جنب ربنا وطاعته...




ياحبيب قلبى حب ربنا ده اكتر حاجة ممكن تغيرك..ده عاطفة تغيرية هاااايلة...


اكبر من اى قنبلة نووية...عارف ليه لانك لوحبيته..حبه حيوصل لاصغر نواة موجودة فى جسمك...



حتبقى عايش حياتك كلها لحبه..حتبقى مش شايف قدامك غير طاعته...مش حتعرف تعمل غير اللى هو عايزه ويرضيه...






حب ..حب ..اسمى حب فى الوجود...


حتلاقى نفسك يتعمل كل حاجة بحب وسعادة...كل خطوة ..كل اذى حتستحمله لله...


مش حيهمك اى حاجة فى الدنيا..طول مانت مناك توصل لربنا...


بحبك يارب ومنايا اوصلك...