حملة يلا نلبس النقاب في رمضان شهر التغيير

[u][center]اخواتي وحبيباتي في الله......
ارد علي الموضوع اللي انا كتبته علشان اتفقنا ان كل واحدة هتقول تجربتها ايه؟؟؟
سواء كانت لابسه النقاب او مش لابساه او نفسها تلبسو..انا الحمدلله رب العالمين ربنا من علي وانعم علي بلبس النقاب من سنه و6 شهور تقريبا وكان سبحان الله هتستغربو لو قلتلكو اني لبسته يوم عيد الحب المدعي بهذا الاسم طبعا ليس له مكان في ديننا ..بس كان والله قدرا يوم الخميس 14 _2_2008 المهم.. انا كان نفسي من زمان البسه كان حبي للنقاب من فتره بس ربنا لما بيقدر الشيء وبيامر بيه محدش بيقدر يقف في طريق الامر سبحان الله المهم في يوم جمعه كنت رايحه احضر الخطبة في مسجد وربنا قدر اني اروح مكتبه اسلاميه كانت الفترة دي زاد جوايا حب ان البس النقاب كان الوقت خلاص حان فالمهم دخلت المكتبه ووالله كان معايا يومها 10 جنيه وسالت الاخ هناك قلتلو اسعار النقابات بكام فقالي بدايه من 10 جنيه فما فوق كنت لسه جديده باه فمش عارفه وقلتله انا اول مرة البسو وخايفة طبعا كنت لسه بوشي قالي والله سبحان الله جميل جدا ولقيت اخت منتقبة وبردو سالتها كدا وشجعوني فتوكلت علي الله واشتريته بعدها فضلت شايلاه عندي وكل شوية اطلعه واقيسو قدام المرايا والبسة ونفسي انزل بيه بس ابي وامي هعمل معاهم ايه؟؟؟؟؟؟؟؟ فوالله دعيت ربنا كتير كتير اويييييييييي واستعنت بيه وصليت يومها تقريبا ركعتين قضاء حاجة واقلت لامي وساعتها كنت بسمع درس للشيخ محمد حسان اعتقد والله اعلم ان كان علي النقاب فتاثرت بيه وعجبني جدا سبحان الله الامور كلها ربنا يسرها بالدعاء صدقوني فامي قالتلي والله النقاب حلو هيساعدك علي الالتزام اكتر وحضور الدروس ف المساجد بس شوفي ابيك فسالت ابي وقالي لو لبستي النقاب دا شيء ثابت لا يتغير واستغربت جدا من رايه وقلت خلاص ربنا اذن ليا بلبسه فقلت لامي خلاص انا هنزل بيه انهاردة وفعلا نزلت بيه وخرجت بيه وبعد كدا رحت الكليه بيه وصاحباتي فرحو جددددددددددددددا حتي والله العظيم المتبرجات منهن قالولي عقبالنا يارب ,,
فدا معناه بجد ان فطرتنا حلوة اوييييييييييي بس عايزة يدوب تشجيع وعزيمه وحب للشيء اللي بنعمله
بس ومن يومها اصبحت من المنتقبات اللي اصطفاهم الله بلبسه ويارب نكون فعلا قدوه حق فيه وربنا يثبت كل اخت منتقبه ويباركلها في نقابها... وعارفين والله مره سمعت حازم شومان بيقول ان المؤمن زي اللمبه عليها حبه تراب لو تمسحو ينور علطول .... عجبني اوي فعلا سبحان الله جوانا حاجات حلوة اوي بس نشيل الوحش والحلو هيبان ونبدا نغير من نفسنا وجوانا واحنا فعلا ننور...[/u]
ولازم ساعت اي حاجة حلوة تقولي زي مالرسول قال الحمدلله الذي بنعمته تتم الصالحات وتسجدي سجده شكر
معلش طولت عليكو
[u]بحبكو في اللـــــــــــه اوي

السلام عليكم ورحمه الله وبركاته
كيفك غاليتى جزاكى الله كل خير على الموضوع الاكثر من رااائع بجد وجعله بميزان حسناتك واتمنى والله ويعلم ربى من قلبى ان ارتديه ولكن لظروف لايعلمها الا الله وحده لن استطيع ارتدائه الان واعلم ان من ترك
شيئا لله عوضه الله خيرا منه ولكنى اسعى جاهد
لما يرضى الله وان اتوب عن اى شى ماقبل التزامى وانا معاكى فطرتنا حلوه وكلنا قلوبنا فيها الخير الكتير اسالكم ان تدعوا لى بارتدائه وان اكون على نهج امهات المؤمنين وجزاكى ربى الجنه على موضوعك وهدى بك حبيبتى تقبلى مرورى